(Mat. 4:1-11; Mk. 1:12, 13)
1Isua chu Thlarau Thianghlimin a khat a, Jordan lui aṭanga a lo haw chu, Diabola thlêm chungin thlalêrah ni sawmli Thlarau hruaiin a thang bo va. 2Chûng chhûng chuan engmah a ei lo va, a tâwpah chuan a ril a ṭâm ta hle a. 3Tichuan, Diabola’n a hnênah, “Pathian Fapa i nih tak tak chuan he lung hi chhanga chang tûrin thu pe rawh,” a ti a. 4Isua erawh chuan, “ ‘Chhang ringawt ringin mihring hi an nung tûr a ni lo, tih ziak a ni,” a ti a.
5Hmun sâng takah a hruai chho va, mitkhap kâr lovah khawvêl ram zawng zawng a entîr a. 6Diabola chuan,
“Hêng zawng zawng chunga thuneihna leh a ropuina hi ka pe ang che; ka hnêna pêk a ni tawh a, ka duh duh pe
thei pawh ka ni. 7Nang hi chuan chibai mi bûk la, a za-in i ta a ni vek mai tûr,” a ti a. 8Isua’n, “ ‘Lalpa i Pathian chu
chibai bûk la, ama rawng chauh bâwl rawh,’ tih ziak a ni,” a tih san a.
9Jerusalem-ah a hruai leh a, Tempul chhîpah a dah a, “Pathian Fapa i nih meuh chuan heta ṭang hian zuang thla rawh:
10‘Nangmah vêng tûr chein Vântirhkohte chu thu a pe ang,’ tih leh,
11‘An kutin an dâwm ang chia, Tichuan, lungah i ke i sawh dâwn lo nia,’ tih ziak ang khân,” a ti a.
12Isua erawh chuan, “ ‘Lalpa i Pathian fiah suh,’ tih ziak a ni,” a tih san leh ta a.
13Tichuan, Diabola’n a thlêmna tûr tinrênga a thlêm zawh chuan a remchân leh hun atân a kalsan ta a.
1Isua chu Thlarau Thianghlimin a khat a, Jordan lui aṭanga a lo haw chu, Diabola thlêm chungin thlalêrah ni sawmli Thlarau hruaiin a thang bo va. 2Chûng chhûng chuan engmah a ei lo va, a tâwpah chuan a ril a ṭâm ta hle a.
Lal Isua Jordan luia baptis-tu Johana’n a baptis-a thuro anga Thlarau
Thianghlim a hnena a rawn thlen hnu khan Diabola thlêm chungin thlalêrah ni sawmli
Thlarau hruaiin a awm tih kan hmu a. Tin, he ni sawmli zet thlalera a thang chhung hian
engmah a eiin a in lo tih kan hre bawk a ni.
Ringtu piangthar Thlarau Thianghlim changa chunglam baptisma changtu hian kan
Lalpa Isua Krista kawng hi zawh tan nghalin ringtu nun kawng thlalèrah hruaiin a awm thin.
Thlarau Thianghlim a chan hmaa sual leh bawlhhlawha a ngaih loh, khawvel khawsak
phung pangngai, thil satliah leh nihphung pangngaia ngaih theih tam tak kha amahah
hnawk titu Thlarau Thianghlim a awm tawh miau avangin ngaihzam mai a theih ta lohva,
Diabola (tisa-na) nen chuan indona an tan ta thin a ni.
Lal Isua chu ni sawmli leh zan sawmli zet mai thlalerah engmah ei lova awmin ril
tam takin a awm tih hriain Diabola chuan Isua mamawh em em ei tur hmangin thlemna
hmasa ber chu a rawn chhawp chhuak var mai a nih kha. (3Tichuan, Diabola’n a hnênah,
“Pathian Fapa i nih tak tak chuan he lung hi chhanga chang tûrin thu pe rawh,” a ti a). He
hun, ni sawmli lai mai engmah ei lova awm hnu, riltam em em maia awm lai hian Diabola
thusawi hi thlemna aimahin lainatna âw-kâ anga dawnsawn mai a va han awl mai dawn tak
em! He hun hi thlêmna sawi mâm leh tlûkna hnaih lai, mahni inphat harsat hun a va ni em!Pianthar hnu hian Thlarau Thianghlim hruaina leh duhdan lam aiia tisa
mamawh leh kan nitin khawsak rual elna lamte dah hmasak mai a awl em em
a ni. Lal Isua khan a taksa chauhna leh riltamna chhâwk turin Diabola thu ang
khan lung kha chhangah chantirin ei ta se thil tih âwm lo a nihna reng reng
mihring ngaihtuahna atang mai chuan a awm lo.
Kan nitin khawsak leh nunahte, kan inthenawm khawvenna kawng leh
eizawnna, kan thiltih hrang hrangah keimahni hamthatna tur thil, keimahni
lam inhâi-vûr theihna tur, kan thiamna leh dikna chhuan ve theih, sawi mâm
theih thil kan tawng chho mawlh mawlh thin. Nimahsela Thlarau Thianghlim
hruai dik takte nunah chuan Thlarauvin thu sawiin an mahni lam indahthat
leh tlâwmnain hna a thawh a ngai tawh zawk a, inngaihtlawmna diktak,
mahni inphatna nun kawng an zawh a ngai tawh zawk thin. Hei hi Thutak Isua
kawng a ni si. Chutichuan, Pathian mi thlan, mi thianghlim leh duh takte ni
âwm rêngin, thinlung taka inlainatna te, ngilneihna te, inngaihtlâwmna te,
thuhnuairawlhna te, dawhtheihna te chuan inthuam rawh u (Kol 3:12).5Hmun sâng takah a hruai chho va, mitkhap kâr lovah khawvêl ram zawng
zawng a entîr a. 6Diabola chuan, “Hêng zawng zawng chunga thuneihna leh a
ropuina hi ka pe ang che; ka hnêna pêk a ni tawh a, ka duh duh pe thei pawh
ka ni. 7Nang hi chuan chibai mi bûk la, a za-in i ta a ni vek mai tûr,” a ti
a. 8Isua’n, “ ‘Lalpa i Pathian chu chibai bûk la, ama rawng chauh bâwl rawh,’
tih ziak a ni,” a tih san a.
Pathianin a thilsiam zawng zawngte chunga thuneihna a pek tawh chu
thlahtu bul Evi leh Adama hnen atangin Diabola chuan a lo chhuhsak/laksak tawh
miau avangin khawvel ropuina leh thuneihna lemte hian ringtute min thlêmin îtawm
takin a lantir fo thin. Nimahsela hêng thuneihna, Pathianin mihringte kuta a dah,
bawhchhiat nî-a Diabola’n a lo neihsak tâk kha, Lal Isua’n kross-a thihna leh A
thawhlehna hmangin Diabola kut ata A neih lêt sak leh ta (Isuan a rawn pan a, anni
chu a bia a, “Lei leh vâna thuneihna zawng zawng pêk ka ni ta. Mat 28:18) tih kan
hriat hi Diabola hlauh ber a ni. Khawvel ropuina lem tawktarha dâwt hmanga
ringtute thlêm hi Diabola hna pui ber a ni a
(Rûkru chu ru tûr leh tihlum tûr leh tichhe tûr lo chuan a lo kal lo; kei zawng nun an
neih nân, tam taka an neih nân lo kal ka ni. Johana 10:10).
Thlarau Thianghlim hruaia awm tawh ringtu erawh chuan he khawvel
ropuina lemte hi Diabola’n tawktarha a hman mai a ni tih leh amah Diabola atanga
chhuak chu dâwt leh a lem, a tâwpa lungngaihna leh thihna a ni tih a hria a,
thuneihna dik tak chu Thlarau hruaia awm ringtute kutah Lal Isua’n a neih lêtsak
tawh zawk a ni tih hriain engkim siamtu leh neitu hnuaiah a intulût zel zawk thin.9Jerusalem-ah a hruai leh a, Tempul chhîpah a dah a, “Pathian Fapa i nih meuh chuan heta ṭang hian zuang thla
rawh:
10‘Nangmah vêng tûr chein
Vântirhkohte chu thu a pe ang,’ tih leh,
11‘An kutin an dâwm ang chia,
Tichuan, lungah i ke i sawh dâwn lo nia,’
tih ziak ang khân,” a ti a.
12Isua erawh chuan, “ ‘Lalpa i Pathian fiah suh,’ tih ziak a ni,” a tih san leh ta a.
Ringtu nun kawng, mahni lam inphatnaah chuan hamthatna turte, mihring ngaihtuahnaa dik
lohna em em awm lo, mahse midangte tana ken leh mahni aiia midang tana nun leh hamthatna
hlan/ken hun a lo thlen hian Diabola chuan, “Pathian chuan hemi i chân hian, midangte tana thil tha i
tih hian i hlâwk zawk tak meuh ang maw?” tiin min rawn buan nghal chat fo. Nimahsela hei hi hria ila –
Lal Isua’n “Lalpa i Pathian fiah suh’, tih ziak a ni”, a tih ang hian Pathian hi fiah ruâl a ni lova, Ani chu
Diabola anga dawthei leh bumhmang a ni ve lo. Thutak Pathian a ni zawk a, amah ringtute chungah
chuan an thatna turin engkimin ro a relsak zawk thin tih leh thihna ata nunnaa min hruai chhuaktu, a
fapa nunna meuh keini misual tana min petu ka Pathian hi ka hmangaih a, engpawh ka chungah lo
thleng dawn mahsela, harsatna leh thihna hial pawh lo thleng dawn mahse min hruainaah ka kal zel
ang tih nun tak neite hi a chhanchhuah thinte chu an ni. (17Ṭûl a nih chuan kan Pathian biak hian
meipui ata min chhan chhuak thei asin, i kut ata pawh min chhan chhuak thei ang. 18Min chhan loh
pawhin, aw lalber, i pathiante chu chibai kan bûk chuang lo vang, rangkachak milim i din hmaah pawh
kan kûn hek lo vang,” an ti a. Daniel 3:17-18). Harsatna leh buaina, tawrhna leh chânna lak atanga
chhanchhuahna ringawt dil leh beisei, mahni inphat loh hi ‘Pathian fiahna’ chu a ni. Mahni inphatna
atang lovin Pathianin A thiltihtheihna leh A ropuina a puang chhuak ngai lo.Lal Isua’n ni sawmli chaw ngheia thlalera Diabola thlêm leh fiahna a hneh hnu khan
rawngbawlna a tan chauh a ni tih kan hria. A hnung kan zui tur Isua kawng hi kan zawh ve
ngei ngei a ngai a, Amah lo chu kawng dang a awm lo ang bawkin Amaha kan awm chuan A
kawng bawk kan zawh a ngai a ni. Isua kawng hi kan zawha hê’ng thlêmna kawng chhâwng
thumte hi Thlarau Thianghlim hruaina zâra kan paltlang a nih loh chuan rawngbawlna nung,
rawngbawlna thiltithei kan nei thei ngai lovang. He thlaler kawng paltlang lova
rawngbawlna tan ve nghal ngawt pawh a dik kher lovang.
13Tichuan, Diabola’n a thlêmna tûr tinrênga a thlêm zawh chuan a
remchân leh hun atân a kalsan ta a.
Diabola’n Lal Isua a thlêmna kawng thum hi englai pawha kan hmachhawn tur a nih
mai bakah chumi ata nitin kan tlân chhuah hnu pawhin ‘remchan hun atan’ Diabola’n min
kalsan a ni tih hriaa inring renga awm a ngai tih hi ringtu chuan a hre reng tur a ni.
HEBRAI 12:11
Thununna rêng rêng hi tuar lai chuan thil lâwmawmah a ngaih theih loh va, hrehawm tak a
ni; mahse, insawizawi hnuah chuan rah thlamuanawm tak a chhuah a, mi a siam ṭha ṭhîn.